مسلم مسيحي أنا.........!

زلزال ودكّ الوطن
بإدين عدو آثم
مجرم عمل عملته
إرهابى كان ظالم
كان في بداية السنة
والفرح كان مالي
صاب البارود قلبنا
واتيتموا عيالي
يا اسكندرية اشهدي
أنا فيك باطوّح
بحرك بكى والغضب
أمواجه بتنوّح
مسلم مسيحي أنا
أنا مصري من ساسي
نيلي وأرضي هنا
وانا خيري من فاسي
لملم يا جرح العيد
وانزاحي يا أحزان
وابعد يا دمع بعيد
واتحدوا يا إخوان
مسلم مسيحي حبيب
ولا فرق بين الاحباب
بهلال في حضن صليب
ح نواجه الإرهاب
دا عدوّنا معروف
ولا ملّة له ولا دين
ولا يوم نحس بخوف
لو عشنا متحدين
جلجل وقول يا جرس
واعلى معاه يا أدان
وحدتنا تبقى حرس
والايد في ايد دادابان
ويا مصرنا تسلمي
من كل شر وسوء
لو كان في يوم تحلمي
إن انت تبقي فوق
بإدين ولادك دُول
ح تعزّي وتسودي
واهو باختصار القول
بالوحدة ح تعودي

مسلم مسيحي أنا.........! 15751604160716041575160

مسلم مسيحي أنا.........! 15751604160716041575160

مسلم مسيحي حبيب
ولا فرق بين الاحباب
بهلال في حضن صليب
ح نواجه الإرهاب
دا عدوّنا معروف
ولا ملّة له ولا دين
ولا يوم نحس بخوف
لو عشنا متحدين

فعلا
بهلال في حضن صليب
ح نواجه الإرهاب
تقبل مرورى
غلى كلماتك الجمبله

محمد سرور كتب:: مسلم مسيحي حبيب
ولا فرق بين الاحباب
بهلال في حضن صليب
ح نواجه الإرهاب
دا عدوّنا معروف
ولا ملّة له ولا دين
ولا يوم نحس بخوف
لو عشنا متحدين

فعلا
بهلال في حضن صليب
ح نواجه الإرهاب
تقبل مرورى
غلى كلماتك الجمبله

أشكرك أخي الكريم محمد سرور
وشاكر مرورك العطر

الشاعر الأستاذ / عربي شريف ( أحمد الشاعر) ( ؟)
قلت :
جلجل وقول يا جرس
واعلى معاه يا أدان
وحدتنا تبقى حرس
والايد في ايد دادابان
ولو قلت :
جلجل وقول يا جرس
واعلن معاه يا أذان
وحدتنا هــيَّ الحرس
والإيد في إيد دا أمــــان
للأسباب الأتيه :
استخدامك كلمة ( واعلى) فيه بعض اللبس لعدم وضوح المعنى بهذا الرسم الإملائي
كلمة(ددبان ) توظيف في غير محله لأننا نقول بالعامية وكان تحت إيده زى الديدبان
ولكن على ايه حال ابداع جميل ونتمنى لك المزيد من الإبداع

جميل يا استاذ عربي شريف ونسعد بعودتك في المنتدي كشاعر جميل تقبل تحياتي