الوحدة الوطنية

الله ع الوحدة الوطنية

الإسلام ويا المسيحية

و ف ذِكر السيرة النبوية

دا نبينا إتجوز قبطية

والصورة ملحمة كونية

الإسلام حاضن مسيحية

جوّه

الجامعة و ف الأشغال

المسلمة جنبها مسيحية

فيفا و فاطمة ويا نهال

و خديجة بتشرح لماريا

مسلم قبطى من العُمال

وبيبنوا الجامعة الأهلية

حتى ان

كانوا رجال أعمال

بيساعدوا و يدفعوا نقدية

مش بيهم مين ف الأول

ماجى ان كانت و لا أمال

ده لتأكيد روح الوطنية

بنت محمد بنت كمال

عايشين جوة حدود مصرية

من غير قسوة ولاّ قتال

تبقى العيشة حلوة هنية

فاطمة تهنى بالميلاد

فيفا تهنى بالأضحية

و ف يوم فاطمة..........

كانت يعنى .................

ف أزمة و ضيقة

جريت فيفا عليها تسمى

مالك ردى ياأغلى صديقة

ده انا أفديكى بننّ عنيه

إوعى تقولى دى مسيحية

أنا

ف الأصل صحيح مسيحية

لكن أحب افعال الخير

إذا كان حُب الخير للغير

م الإسلام

ده كلام أصله ف المسيحية

الهلال وياه صليب

الله ............محبة

والنبى هو الطبيب

ومحمد بيعز نجيب

وصاحبهم

حنا ابن لبيب

وأحمد بارضه ويا ميلاد

بيعيدوا م المجد امجاد

كله يهنى ف الأعياد

أضحى وفطر قيامة ميلاد

المُسلِم ما يحب يعادى

زى كلام سيّدنا الهادى

و الرايح ينده للغادى

إيدى ف ايدك

تحيا بلادى

إقرا الآيه من الإنجيل

بتأكدها سور قرآن

روح وطنية ف كل آوان

قبطى و مسلم فى الميدان

وبيرسموا لوحة فنان

صورة جميلة للأديان

الإسلام و يا المسيحية

حب ف حب

مفيش كراهية

و البابا شنودة بيهنى

ف الأضحى

بحب و حميمية

و مفتى ديارنا ف 7 يناير

يبعت له تهنئة قلبية

الله ع الوحدة الوطنية.