مرشح جديد للرياسه ( عطوه ابو مطوه )

[center]عطوه ابو مطوه









مهما الطريق طال يا ابو عطوه


ها نمشـــــى فيه خطوه بخطوه


سيبك بقـــــــى من دى العافيه


مــــش كل حاجه تيجى بمطوه


**


ها تقول خلاص باى يا حكومه


دى قضيه واضحه ومحسومه


مــش معنى كده تصبح فوضى


ونسيبها سايـــحه ومخرومه


**


دى مصر مش شرعها غابه


ولا حتــــــــــى سكانها ديابه


احنا اللــــــــى لازم نحميها


ولا احنا نفخه وكـــــــــدابه


**


بدراعنا ترجــــــــــع لعافيتها


ويعـــــــود جمالها وحلاوتها


دى مصرنا الغاليــــــــه علينا


مش برضوا حاسس غلاوتها


**


ارمى السلاح اللـــى فى ايدك


ليــــــــه السلاح يصبح سيدك


لو كنـــــــــت مصالحها تهمك


عداوتنا مــــش يوم ها تفيدك


**


ايدك فى ايــــــــدى ها نرفعها


ميــــن غيرنا حاسس اوجعها


الفرقـــــــــه بينا ها تضعفها


والحــــــــــرب بينا يضيعها


**


وارجع اقولك يا ابو عطوه


مش كل حاجه تيجى بمطوه


ميــــــن يرضا ظالم يحكمنا


مين يرضا يخضع للسطوه


تانى


يا ابو عطوه


**


تحياتى

عصام الحلوانى

[b][center]استاذ عصام تحياتى اليك
فعلا كنت رائع فى هذه القصيدة لانك بتملس موضوع فعلا يحتاج اهتمام الجميع تصوير جميل وتنسيق اجمل تسلم على هذه القصيدة
تقبل مرورى
اخوك هشام النبتيتى

أستاذ عصام كلامك جميل جدا ودخل قلبى بدون أى عوائق زجال متميزورائع ومفراداتك منتقاه بعنايه تحسد عليها أتمنى لك المزيد من الابداع

اشرف عطيه البلتاجي كتب:

أستاذ عصام كلامك جميل جدا ودخل قلبى بدون أى عوائق زجال متميزورائع ومفراداتك منتقاه بعنايه تحسد عليها أتمنى لك المزيد من الابداع

شهاده اعتز بها من شاعر جميل اتمنى لقائه

ومصافحته على اعماله المتميزه دائما

اشكرك وتمنياتى لك بالصحه والسعاده

تحياتى

هشام - النبتيتى كتب:

[b][center]استاذ عصام تحياتى اليك
فعلا كنت رائع فى هذه القصيدة لانك بتملس موضوع فعلا يحتاج اهتمام الجميع تصوير جميل وتنسيق اجمل تسلم على هذه القصيدة
تقبل مرورى
اخوك هشام النبتيتى

الله يخليك يا هشام ده بس من ذوقك وادبك

جزاك الله كل خير

وتمنياتى لك بالتوفيق والصحه والسعاده

تحياتى