النهارده عيد ياشهيد....... 25يناير
مصر ياحبيبه يامنوره قلبي وعينيه
والله فيك حاجه غريبه يا حبيبتي يابهيه
...
يا ام الهرم والنيل والولد والبنت المعجبانيه
يا ام نخل عالي اصيل وفل ابيض يا ام طرحه وجلابيه
يوم ماتودعي ابنك حبيبك الشهيد
تفرحي وتزغرتي وتقوليلي النهارده عيد؟
ايوه عيد.... ابني حبيبي الشهيد طارسعيد لانه رايح عند ربه فوق
وانت ياابني اوع تنسي طار اخوك واللي اتجرح اصحي فوق
الميدان والحاره كل شارع كل حته فيها لمه
يهتفوا بأسمك ينادو يامه
العين بتدمع والقلب باكي
انا وابني... اخويا امي وابويا ولله يامصر فداك
انا فداك ياللي علمتيني اقول للظالم .......لا
ولو قطعوا لساني معرف اقول غير كلمه حق
وقولتيلي كمان ازرع وابني في ارضك عاللي
اوعي في يوم تبقي مطاطي ارفع راسك يابني تمللي
30 سنه ياما من البنا ممنوع
30سنه زرعي من السموم ميت واللي منه طارح بأدين الكلاب مقلوع
30سنه جهل ..فقر ....وجوع
30سنه المنافق والحرامي صبح مفجوع
30سنه كفايه حرام شعبنا مخدوع
وفي 25يناير لقيت اهلي وناسي .. قلمي وكراسي.. كل واحد كل حاجه جواكي ياامي ثاير
افرحي يا مصر الشعب قال كلمته انتي حره..انتي دره....
النهارده 25يناير
السبت يناير 21, 2017 8:39 pm من طرف مجدى الهوارى
موضوع: النهارده عيد يا شهيد .......25يناير