الكل مفارق ومروح وما حدش حيخلد فيها
ماتجيش فى الآخر وتنوح وذنوبك عـ الغير ترميها
ياك فاكر ذنبك حايسيبك من وسط العالم حايجيبك
لاالرحمه حتنزل وتصيبك ولا فيه غفلان بيفوز بيها
والكل مفارق ومروح وماحدش حيخلد فيها
أمنا المولى بدستوره وبنوره هدانا فـ دنياه
ورزقنا بأرضه وببحوره وادانا السلطان والجاه
ولكل الكون ماددايده ولاطالب شئ غير توحيده
ويابخته اللى يطاوع سيده وان ضعفت نفسه يقويها
ده الكل مفارق ومروح وماحدش حيخلد فيها
خد منها الصالح واتصالح مع نفسك واعبد مولاك
ماتضرش نفسك بالطالح ده الطالح ده نهايته هلاك
اذا كنت بتحلم بالجنه طب ليه على روحك تتجنى
ليه ترضى لنفسك تتمنى من غير ماتحقق أمانيها
والكل مفارق ومروح وماحدش حيخلد فيها