قوائم الانتخابات

الحرية والعدالة
يا فجر بكره تعود دنيا ملاليه
لما العداله تسود ننعم بحريه
مجلس نيابى جديد مفيهوش ثكليه
بيناموا فى الجلسات بموافقه ضمنيه
إجماع على التزوير وبرشوه رمزيه
ونفاق ماله آخر لعصابه مخفيه
ورموزعشان فاسده فى السجن مرميه
النور
يا فجر جيت بالنور بعد الظلام والليل
الشعب عاش مقهور داق العذاب والويل
خلوا الطابق مستور يااخواننا فاض الكيل
مطلوب قوام دستور للشعب كله يميل
دى الفرقه والتخوين عوار يهد الحيل
عايزين خطوط إنتاج ياشعب وادى النيل
خطواتــنــا ولقدام واللا نكون فى الديل
الوفد
هليت يا فجر جديد ومعاك رجال وشيوخ
فى الصدق والإخلاص ماضى وكله شموخ
الفجر جاب الوفد شايل معاه تاريخ
حر وأصيل من مصر مش جاي م المريخ
لاف مره كان خاين بريء من التلطيخ
وقفات كفاح وجهاد مش فوضى بالشماريخ
واخد قرار مدروس لاهو قرع ولا بطيخ

الله ... الله عليك ياعم حسن يا بدوي

حريه ويا العدالــــــه ما يتقدروا بالمـــال
والنور عطانا الأمل نبقى في احسن حال
والوفد في وسطهم لتواصل الأجيـــــــال

لك خالص التقدير على هذه الرائعة

الف شكر لأستاذي الكبير محمد البهنساوي

تلمـيذ أنـا ف مدرسة فيها الكبير زجال
أستاذ وفنان وشاعر ناظر ف كل مجال
ورأيه ليا وسام أغلى م الـنفيـس والمـال
يـارب ديـم الـمحبة ونكون في أحسن حال