ايه يعني

ايه يعني لما اللي هما يقفلوا بقي ايه يعني لما اللي هما يكسروا حقي ايه يعني لما اللي هما يضيعوا حقي ايه يعني لما اللي هما يدغدغوا رقي ايه يعني لما العيش يكون ملان بالطوب ايه يعني يحصل ويجري والميزان مقلوب ايه يعني لما انضرب بالكف والمركوب ايه يعني لما للحريم يقلعوا في التوب ايه يعني لما الجميع جوه طابور العيش ايه يعني لما البيوت تكون بدون الشيش ايه يعني لما اكون طاير بدون الريش ايه يعني لما اعيش والشعر فيا كنيش ايه يعني لما ارتوي من مية مجاري ايه يعني لما انام علي لمبة سهاري ايه يعني لما تموت النخوة في جاري ايه يعني لما اعيش بالحسرة ومراري : ايه يعني لما نكون في الدنيا دي دراويش ايه يعني بدل الحرير الكل يلبس خيش : ايه يعني لما نكون عايشين كما الحرافيش ايه يعني لما البس الجزمة بدون ورنيش ايه يعني لما يكون الفول ماليه السوس ايه يعني لما النفر مايكونش عنده غموس ايه يعني لما السكن والنوم مع الجاموس ايه يعني لما ترب الغفير تجمعنا والناموس : ايه يعني لما صباعي يقرصه التعبان ايه يعني لما البشر ينسي انه كان انسان ايه يعني لما اللي هما ارضهم ترتان ايه يعني واحنا نعيش في زريبة الحيوان ايه يعني لما الطماطم تغللي اسعارها ايه يعني لما الكهارب تطفي انوارها ايه يعني لما الملاهي يعللي خمارها : ايه يعني لما يكون العالي اسفلها ايه يعني لما نكون شمعة تقيد وتموت ايه يعني لما نكون لقمة في بطن الحوت ايه يعني لما السمك جوه البحار بيموت ايه يعني لما نطاطي احنا للجبروت ايه يعني تاهت معاني الحب والاحساس ايه يعني نفضل نقولها للبشر والناس ايه يعني لما نقول يا رب افرجها ايه يعني لما العدالة للكل تبقي اساس

أستاذ / عبد المطلب عمران
لك اسلوبك المميز دائما
ايه يعني قصيدة تهكمية تمتاز ببساطة الكلمة وتدفق المعاني في قافية متغيره ... نقول عنها السهل الممتنع

كل الشكر و التقدير الي استاذي الشاعر الكبير \محمد البهنساوي الحقيقة مش عارف اشكر حضرتك ازاي علي تعليق وراي حضرتك اللي حسسني ان ادائي متغيرش واداني ثقة في نفسي والحقيقة راي حضرتك بمثابة شهادة تقدير لي