*** قبل كل شى ***

لازم نسقط حكم العسكر
اللى استهزء بينا واتمسخر
الشعب ادالة الامان
وهو غدر بينا وخان
قتل شبابنا العظيم
جرح بناتنا اللئيم
ولائة للمخلوع وشلتة
لانة ولى نعمتة
مش للشباب وثورتة
فين العيش
فين الحرية
فين العدالة الاجتماعية
لسها احلام وامانى
والشباب هيرجعها تانى
حتى لو سالت دماء
بس ما ترحش هباء
لازم نكمل خطوتنا
بعد ما سرقو ثورتنا
وقبل الغول ما يقوم
ويمزق الهدوم
ويكسر القضبان
ونروح فى خبر كان
وقبل كل شى
لازم نسقط حكم العسكر
اللى استهزء بنا واتمسخر
وعمل محاكمات هزلية
للجانى والحرامية
ومحاكمات عسكرية
لشباب طالب بالحرية
ومجازر متغطية
بالاتفاق مع البلطجية
الجناه يعملولهم تعظيم سلام
والشباب تضرب بالكفوف والحزام
من البلطجية وبكسر الرخام
وضرب النساء وحرق الخيام
على مراى ومسمع من الحكام
قولولى بقى فين الالتزام
ومين اللى غدر ومين اللى خان
ومين اتعهد بحفظ الامن والامان
للوطن والانسان
قولولى يااخوانى
للدرجادى
دم اولادى
بقى عندهم شى عادى
اللى قتلنى لسة موجود
بيتمتع بنعيم الوجود
وانا مش موجود
وقبل كل شى اسقطو كل من حكم
وافسد وقتل وظلم
اذا ماتعبناش مش هنستاهل
مفيش حرية بتيجى بالساهل

نص جريئ مفعم بالوطنية

والحماسة الثورية الشبابية

احيا فيكي حرفك الرائع

وجرئتك التى ادهشتني

دمتي بخير

شكرا لتواصلك معى ومع دوام الاستمرار مع تحياتى