الحرمان والادمان

( الحرمان والادمان )


ف حارتنا بنات
زى الشربات
بيعدوا يوماتى
وخايلنى
وانا قلبى ساعات
بيدق اهات
اكتر من عشرين
عاجبنى

اللى بضحكتها
انا قلبى يموت
واللى بنظرتها
بلعنى الحوت
ودى غصن بان
ح يجيب لى جنان
بستنا بلهفه
عليا يفوت

ودى شعر حرير
اصفر وخطير
ودى ودى عصافير
بجناح بطير
وف كل مكان
اشكال والوان
حلوين امامير
لو اعد كتير

يا زمن غصاص
انا مش بصباص
ولا حتى قليل
التربيه
انا مجنى عليه
مربوطه ايديه
محبوس ف بلاد
الحريه

ضيعت العمر
ف تعليمى
وكافحة كتير
لا جل شهادتى
كان املى ف يوم
القى نعيمى
خاب املى وضاع
عمرى ووقتى

35 سنه
ده سنى
ولا قادرحتى
اقول يا جواز
خايف الفكر
يجننى
واولع نفسى
بعلبة جاز

مين المسؤل
مين فينا اهمل
اهلى ولا انا
ولا التخطيط
مين خلّى
شباب المستقبل
عواجيز ماشيين
ناقصين تحنيط

عايش لسنين
ويا الحرمان
فاض بيا خلاص
مابقاش كتمان
مين بس يلومنى
على الادمان
او حتى ان خدنى
ف حضنه شيطان

او حتى ان خدنى
ف حضنه شيطان

****

استاذ عصام اتمني لك التوفيق ولا تغضب مني النص يحتاج الى المراجعة خاصة أنك شاعر كبير وأنا أعلم ذلك ولكن الإستعجال في النشر يعيبنا نحن الكبار

أخى العزيز الفاضل محمد البهنساوى

احيانا ياخذنى الموضوع واتغاضى عن الوزن بتنوع القافية

وبرغم انك تحس اختلال فى الوزن

الا انها لا تخلو من الموسيقى والطرب والموضوع

ولهذا سامحنى فيها ولا تحكم عليها من حيث الوزن

لى فيها هدف اريد ان يصل للقارئ العادى

واظن انت تدركه تمام

وشكرا على تقويمك ونصائحك الغالية

وكل عام وانت طيب وبالف صحة وسعادة

تحياتى

( الحرمان والادمان )


ف حارتنا بنات زى الشربات
بيعدوا يوماتى وخايلنى

وانا قلبى ساعات بيدق اهات
اكتر من عشرين عاجبنى

***

اللى بضحكتها انا قلبى يموت
واللى بنظرتها بلعنى الحوت
ودى غصن بان ح يجيب لى جنان
بستنا بلهفه عليا يفوت

***

ودى شعر حرير اصفر وخطير
ودى ودى عصافيربجناح بطير
وف كل مكان اشكال والوان
حلوين امامير لو اعد كتير

***

يا زمن غصاص انا مش بصباص
ولا حتى قليل التربيه

انا مجنى عليه مربوطه ايديه
محبوس ف بلاد الحريه

***

ضيعت العمر ف تعليمى
وكافحة كتير لا جل شهادتى

كان املى ف يوم القى نعيمى
خاب املى وضاع عمرى ووقتى

***

35 سنه ده سنى
ولا قادرحتى اقول يا جواز

خايف الفكر يجننى
واولع نفسى بعلبة جاز

***

مين المسئول مين فينا اهمل
اهلى ولا انا ولا التخطيط

مين خلى شباب المستقبل
عواجيز ماشيين ناقصين تحنيط

***

عايش لسنين ويا الحرمان
فاض بيا خلاص مابقاش كتمان
مين بس يلومنىعلى الادمان
او حتى ان خدنىف حضنه شيطان

او حتى ان خدنى
ف حضنه شيطان

****

انت شاعر كبير يا استاذ /عصام
والقصيدة بها فكره جميلة وبها موسيقا الشعر الداخلية والخارجية ولايعنى وجود بعض الهنات أنك أهملت الوزن حاولت في البداية ان ألفت نظر سيادتكم في ثلاث مواقع ولم اكمل الباقي لأنك كبير تستطيع اكتشاف الباقي بمجرد المراجعة مثلا:
ف حارتنا بنات ____ الصواب في حارتنا بنات
اكتر من عشرين عاجبني ___ الصواب أكتر من عشره وعاجبني
ودي غصن بان حا يجب لي جنان ___ الصواب ودي غصن البان حا يجب لي جنان