طلبات مواطن

طلبات مواطن
*****
مش طــالب غير أبقي مواطـن بسـهـولة الاقــي الأنــبـــوبــــــة
واخد من الفرنه اللي في ريحنا العــيــش الـحـلــو ولـو نـــوبــة
مش طالب فـيلا ولا وظــيفـــه ولا عــــاوز عربــية ركــوبــــة
طلباتي يا نــاس حـاجة خفيفـه طلـبـاتي يــــادوبك مــحــــدودة
*******
العـيش الأسـود أبــو رايــــش بـتــاكــله ولادى ومخصــوبـــة
وأنا باكله وبرضك أهوعايش ولا عمرى دخلت في غـيـبوبــة
ولو مـرة غلطت ويوم جيــتنا ح تشوف نـاس فـقـرا ومغلـوبة
والفاكهه أزاى ح تزور بيـتنا مش في الحسبان ولا موجـودة
*******
وسنين بنــــدور عـلي شـقــة لأختى المسكـــينة المخطــوبـة
وسنينى الضايعة في تعليمى كتبت ع الحيطه أم رطـــــوبة
ولاعـاد تعليمك له فــــــايدة ولا حتى شهــادتك مطلــوبـــة
لو كنت صحيح لعيب كورة كـات صبحت سيرتك محبوبة
والشهرة كانت عرفت بابـك وبقيت م الصفــوة المسنـــودة

أحمد حسن عمر ـ القاهرة

أحمد حسن عمر كتب:

طلبات مواطن
*****
مش طــالب غير أبقي مواطـن بسـهـولة الاقــي الأنــبـــوبــــــة
واخد من الفرنه اللي في ريحنا العــيــش الـحـلــو ولـو نـــوبــة
مش طالب فـيلا ولا وظــيفـــه ولا عــــاوز عربــية ركــوبــــة
طلباتي يا نــاس حـاجة خفيفـه طلـبـاتي يــــادوبك مــحــــدودة
*******
العـيش الأسـود أبــو رايــــش بـتــاكــله ولادى ومخصــوبـــة
وأنا باكله وبرضك أهوعايش ولا عمرى دخلت في غـيـبوبــة
ولو مـرة غلطت ويوم جيــتنا ح تشوف نـاس فـقـرا ومغلـوبة
والفاكهه أزاى ح تزور بيـتنا مش في الحسبان ولا موجـودة
*******
وسنين بنــــدور عـلي شـقــة لأختى المسكـــينة المخطــوبـة
وسنينى الضايعة في تعليمى كتبت ع الحيطه أم رطـــــوبة
ولاعـاد تعليمك له فــــــايدة ولا حتى شهــادتك مطلــوبـــة
لو كنت صحيح لعيب كورة كـات صبحت سيرتك محبوبة
والشهرة كانت عرفت بابـك وبقيت م الصفــوة المسنـــودة

أحمد حسن عمر ـ القاهرة

زجال من يومك
يا احمد تحاتى وكل عام وانت بخير