الحــد الأدنـــي ..

الحد الأدني ..!!
قولــــوالي يعمل إيه موظف مرتبـه ضعيف ع الآخـــــر
علي بيته مش قادر يصرف بيــداري نفســه ويــتاخـــــر
وعنــده أورطة مـن الأولاد كــان نفســه بيهـم يـتـفاخـر
**********
ح إلــقــاها بس من الأسـعــــار وللا الخضــــار والفكهـاني
والأكل أصبح غــالي ونـــــار ومرتبي يطــير في ثــواني
ومراتي مـن كــتر الأعــــذار مـابقيتش فعـــــلا عذراني
واخــرج من العـــــيد يقابلني دخول مدارس مع كشاكــيل
وإن قولــت لأه تـبهــــــدلني وتقول لي عايشة ف هم تقيل
وتهــــز صورتي وتحرمني مع ان عمري ما كنت بخيل
**********
إمـتي يا ناس نلقي رئيســـــنا يرفع لنا الحــــــد الأدنــــي
ناخد علاوة علي أساســـنا خضرة من اللي عليها مدنــة
ونقول رئيسنا وهيـــــصنا وبجــد نسعـــد أولادنـــــــــا
والكل يبقي في مصر سعيد ونـغــير اللي عليه إعــــتادنا
عشان نحب ونــدي أكــــيد وولادنـا يبقــوا لنا عــــــتادنا
ونلاقي جيل مخلص ومـفيد قادر في يوم علي إسعــــادنا
أحمد حسن عمر ـ الأقصر