وسام شعر محمد البهنساوي

( وســــــــام )

نفسي أقـولك كلمـه ف ودنــك قبـل خصــام
بالتليفــــون أو حتى موبيــــل أو بكـــــــلام
نفسي أقــــولك إن الحــب عتــاب ووئــــام
مش بالقسوة وهجرك ليـــــَّـا مــن أعـــوام
****
كنت بشوفك قـــــــدام عـيني بــــدر تمـــــام
في الشبـــاك باستني ملامحـــك يــوم وأيــام
وامَّـا تغيبـي عليَّا وتقسي أقــول دا حـــــرام
وامسك قلــــبي واعــاتب نفسي لحــد منــام
****
صفحة عمري معاكي يا قاسية عتاب ومـلام
سطـــر محبــه وسطر بينطــــق بالأوهـــــام
وانا مستني في آخرالصفحة باعيش في غرام
يمكـــن مــرة تحنــــي عليــَّا ... وفات أعـوام
****
ياما كتبت الشعر أرضيكى ويـــاما بَعَت قـوام
ألف قصيـــدة وغنـــوه جميلــــه وألـف سلام
كنت بشوفك ساكنـــه في ذاتــــــي وكل منــام
بين شريـــــان القلب في دمي وعنصر هــــام
****
كنـــتي بحــور الشعر بتجري وطيـــف إلهــام
كنـــتي ضياء الفجـــر الصادق في الاحــــــلام
بيفكرني بعمري الماضي... يا ريت لــــو دام
بيفكرني بحبك .. انـــتي .. يا أغلى (وســــام)
القاهرة 6/7/2012