موضه .. آخر صيحه

حصل هبوط في الذوق العــــــام .. فيــه نــــاس بتلــبس أي كـــلام
ومـش مهــم اللـــــبس بكـــــــام .. لكن المــهــم يـكـــون معقــــول

لفيــت محـــلات في الاســـواق .. وزهـــقـــت من كـــــل الاذواق
ما لـقـيـتـش ولا تاجر فنـــــــان .. الفــن أصــبح شــئ مجـــــهول

تولـيـفــة شــــاذة من الألــــوان .. رسومات عجيــبة في كل مكان
ورقـعـة على الجيـب والأكــمام .. وشـكـلـه باقي قمـــاش موصول

موديـل تاني مالـوش اوصــاف .. لو شفت شكـلـه حقيقي تخـــاف
أكيد ده من تصميـم مجــــــانين .. لو اشتريته .. انا مش مسئـــول

وده موديـل غــــــالي و اتيكيت .. والله ينـــفــع لــبس البــيــــــــت
ولو خـــرجت الشــــــارع فيــه .. تخجـــل وترجـــع تاني علطول

قــلــدنا اذواق كـــل النــــــــاس .. وذوقـنــا في "قـفة" كنــــــــاس
لوقلت عيب على العيب يعيبوك .. وتـبـــقي متـــــأخر .. معـــزول

كان نفسي الاقي قمصــان شيك .. وادفع تمنـــها كـــاش أو شـــيك
ما لقـيـتـش غير الوان شخـابيط .. شغـلـت نفـسي بالمحــــــــــمول

رجعت بيتــنا .. وكلى حمـــاس .. قـررت انسى كــلام النــــــــاس
والبـس بيجـــامة اي مقـــــــاس .. واقــول غسيـلي يانـاس مبـلـول

كلام جميل بس اكيد غصب عنا لازم نلبس ونتغير

ونجارى الزمن المقلوب

فى الزى والمركوب

احسن العيال الهبلة

يحدفونا بالطوب

هههههههه

بجد يا استاذ فرج

انا شايف ان احنا لازم نتغير ونواكب الزمن

ونقرب من المشكلة عشان نعرف نحلها

مش كل الجديد وحش

بس ده الموجود

ومفيش امامنا مفر

نلبس ولا نمشى

موضوع شيق ونظرة واقعية

لواقع مؤلم

تحياتى وتقديرى واحترامى

صديقي الشاعر المبدع العزيز الاستاذ عصام .. مازلت اذكر ذلك اليوم .. فقد قطعت مسافات طويله مررت خلالها بعدد غير قليل من المحال التجارية للملابس الجاهزة .. وفي نهاية اليوم .. عدت كما ذهبت .. وكأن التاجر يفرض ذوقه .. على الجميع .. فلم أقبل .. ولم أكن ابحث إلا عن قميص عادي .. بدون ملصقات .. شكرا أخي الكريم على زيارتك .. وسأعمل بنصيحتك .