عبــــــــده مشتــــــــــــــــــــــــــــــــــاق
عبده مـــشتــــاق عــمــل حـــــزب
ولم فــيـه المــشـــــتــــــاقيــــــــــن
وكـــل مـــــن هــــــــــــــــب ودب
وعملوا فـــيــهــــا ثوريــيـــــــــــن
وقالوا مـــش عايــــزين قانـــــــون
ولا نيابة ولا محاكم ولا ســجـــون
ولا ازهر ولا كنيسة ولا يحزنــون
وهنعمل زي ما احـنـا عـايـــزيــــن
حـ نــخــبــط في الـمـتــخـــبـــــــط
وهــنــخرب في الــمـتـظـــبــــــــط
وهنــكـسر وهـنـدمـر وهنـــشـغــبط
دا احنــا ثـــورجيـــه ومـدقـدقـيـــــن
وهــنـتـكـــلم بــاسم الــشـــــعــــب
واللي مش عجبه ياخـــــد بالكعـــب
داحنا كبرنا خلاص علـ اللــــعـــــب
وبقينا عيال قــــوي جامديــــــــــــن
والثورة جت لنا على الطبطـــــــاب
واتفتح لينا في الشــــهـــرة ابــــواب
ولنا في الفضائيـــــات احــبـــــــــاب
ومن الناحيــــة دي مطمـــنـــيــــــن
حـ نطلع كل يــــوم نـــتـــكــــــلـــم
ونخطط ونــنــــظر يـا مــعــــــلـــم
ونـــسـب ونــلــعــن ونــســــــــلـــم
ونستلم المعلوم واحنا قايــــــميــــــن
حزب عبده فيه مــــشاهـــيــــــــــــر
ساعــات بــنـشـــوفــهم في التـحرير
وكمـــان شــــوية من الفـــرافــيــــر
ورجال اعـــلام متـظـبـطـيـــــــــــن
واللي يقـــــــولك انا اشــتــــراكـــي
واللي يقــــــــولك أنا لـيـبـــــرالـــي
وواحد تــاني يقـولك عــلـمـــــانـــي
مغارة واتفتحت وخرجت التــعــابيـن
واللعب خلاص بقى علــــ مكشــوف
والوقاحة حلت محل الـخـــــــــــوف
ومصلحة الوطن فدي سيبها للظروف
اه يا ولاد ستين في سبـعيــــــــــــــن
زي اللي سقطوا في الاـنتخـــــابــات
اتلموا وعملوا فيها فتـــــــــــــــــوات
وفي التحرير قاموا بمظاهـــــــــرات
وقالوا لاء محناش ساقطيــــــــــــــن
وكل يوم عاملين بيـــــــــــــــــــــان
باسم الحزب اللي مالوش مكـــــــان
وباسم اي حاجة والســــــــــــــــلام
واتلموا المتاعيس علـــ خـيـبـــــيـــن
وادي اللي كان من حــــزب عـبــده
واللي جاي اصعب من اللي قــابلـه
هــمـــــــا كده ومـــش هيتـــهــــدوا
بكره راح ينـكشفـواويبـاتوا عريانيين ...
**********************
هذه القصيدة قبل انتخابات الاعادة السابقة
والتي فاز بها الرئيس المعزول وفي ظل الاحوال التى كانت تمر بها البلاد وقتذاك