ملاك من نور ..أحمد حسن عمر

ملاك من نور
...............
مادام انت ملاك
ما تروحى هناك
فى ملايكه كتير ح يحاوطوكى
إنمّا ع الأرض
دا قليل ف العد
لــو كانـــوا بصدق يحبـّــوكى
بتعـــاملى الــنـاس بالحنيـّه
وبتعشقى قــال حُسن النيـّه
ومفكره قــال وانت غبيــّه
زى ما بتعاملى يعاملوكى
الناس ع الأرض بتتغابى
وديابه بتاكل فى ديــــابه
تديهم حب ...... تآمنيهم
تلاقيهم باعــــوا وجرحوكى
الناس مش ناس أبداً خـــالص
فيها شــــر ولـــؤم .. بتتخابث
الطيّب يدوسوه برجليهم
ويحبّوا اللى يبكّى عنيهم
ويطبطبوا ويمدوا إيديهم
وإن كنت طريــّه ح ياكلوكى
مادام انت ملاك
خليكى هـــــناك
إيه جابك بس ف وسطينا
دا حياتنا هلاك
ونفاق وشــباك
والغدر كمان دايب فينا
والناس مش نــــاس
دى وجوه وخلاص
راح الاحســـاس
وبقينــــــــا بناكل بعضينا
خليكى ملاك بين الأفلاك
معلش عشان خاطرى سيبينــا
.....................................................
أحمد حسن عمر