مجدى الهوارى
عدد المساهمات : 40 تاريخ التسجيل : 14/08/2010
| موضوع: مسحراتى السبت أغسطس 14, 2010 1:14 am | |
| مسحراتى / باوصف حالاتى/ وابوح بهمى/ للى بيفهم / باقول لغيرى/ لو ضل سيرى / هايقل خيرى / والشمس ترحل / عن بكره منى / أنا زى غيرى/ راضى بحالى/ بس اختلافى/ انى لا هاسكت / ولا أوطى راسى/ لو هت خاطى/ وقال لى عندك / عشان بلدنا / واحنا وولادنا / ولاجل بكره/ يجينا صابح/ فى ايده بسمة/ وطوق ونسمة / وغنوة حلوة / لابد نصنع/ بايدنا مدفع/ وسياراتنا / وادواتنا / واكروباتنا/ ياست سوسو/ يا ابلة مروة/ بلدنا حلوة / خيرها ماليها / بس اللى فيها/ شعب وحكومة / الكل لاهى / مايفوقش إلا/ عند الدواهى ينادى ربه/ يزيح عنه كربه / واما تعدى/ الأزمة عنه / ينسى اللى فات / ويعيش مطنش/ | |
|
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: مسحراتى السبت أغسطس 14, 2010 1:38 am | |
| الشاعر الرائع مجدى الهوارى اولا مرحبا بك بيننا واحيك على هذه الكلمات الجميله التى تناولتها على لسان المسحراتى الذى اختفى فى هذا الزمن تقبل تحياتى | |
|
محمد البهنساوي رئيس رابطة الزجالين والمدير العام للمنتدى
عدد المساهمات : 521 تاريخ التسجيل : 10/07/2010
| موضوع: رد: مسحراتى السبت أغسطس 14, 2010 1:50 pm | |
| والله يا أخي رجعتنا لــــــفؤاد حـــداد بشحمه ولحمه كل سنة وانت طيب ياحبيبي وإلى المزيد من الإبداع محمد البهنساوي | |
|
مجدى الهوارى
عدد المساهمات : 40 تاريخ التسجيل : 14/08/2010
| موضوع: رد: مسحراتى الأحد أغسطس 15, 2010 7:52 am | |
| شكرا لكم وكل عام والجميع بسلام و رمضان عليكم كريم ياللى هواكم فى قلبى القرب منكم نعيم وأغلى ما وعدنى ربى | |
|
مجدى الهوارى
عدد المساهمات : 40 تاريخ التسجيل : 14/08/2010
| موضوع: رد: مسحراتى الأربعاء أغسطس 18, 2010 11:21 pm | |
| يامسحراتى محلا كلامك قايم تسحر ولاّ بتحكى عن سيف ألامك أمانة وانت فى العتمة ماشى مابين حنينك أو بين حطامك م اللى حاصل منا فى بلدنا تبكى وتئن مادنة وتولول الكنايس البؤس بخسة دايس على الناس الغلابة أما الشلة الديابة عايمين جوا القطايف لاضل فى حارة ماشى ولا ضى بحلو طايف لا القطر جاب أحبة ولا عاد من بحره فارس والفتنة ليه صحيت والعتمة والهجايص من بكره بجد خايف أفطر من حلمى الاقى الكل بدمعه نايم رح يقضى العمر كله عن ضحكة تبل ريقه أوفرحة تطفى حزنه مهموم وتملى صايم | |
|
مجدى الهوارى
عدد المساهمات : 40 تاريخ التسجيل : 14/08/2010
| موضوع: رد: مسحراتى الأربعاء أغسطس 18, 2010 11:35 pm | |
| مسحراتى وكل ليلة باوضى حسى واقول نويت عالصوم وأسحر أهلى وناسى ثبتت عيونهم على شاشاتهم وغفلوا عنك ياشهر واحد فى كل عام لاهين وروحهم هايمة بكورة وبعد كورة فن وغرام وعنا يرحل شهر المحبة بدون ما يزرع جوانا حبة من السلام ليه كل واحد خاصمه أخوه وكدر امه وساء ابوه وبيننا صارت العركة قايمة على حاجة هايفة موش دا حرام ياناس تعاملوا بذوق ورحمة بلاش نورث ولادنا فتنة والغل فينا يبقى الإمام نبينا وصى على المودة وعيسى قال الله محبة واحنا أحبة بدون كلام يا عنف هدّى يا فتنة عدّى خلينا وحدة وشلة واحدة لو بكره جانا واحنا أعادى بوم وحدادى هاتنوح علينا واحنا حطام يارب طه تجعل خطانا تمشى فى محبة بالعدل سايرة للامام ونبنى فينا دوار محبة لكل واحد غاوى السلام
عدل سابقا من قبل مجدى الهوارى في الجمعة سبتمبر 03, 2010 10:13 pm عدل 1 مرات | |
|
مجدى الهوارى
عدد المساهمات : 40 تاريخ التسجيل : 14/08/2010
| موضوع: رد: مسحراتى الجمعة سبتمبر 03, 2010 10:08 pm | |
| يا مسحراتى العيد بياتى بعد الصيام وقصادنا عدت ليالى جافة لا فيها ضحكة ولا ابتسام يجعل كلامنا خفيف علينا ويزور قلوبنا ضى السلام بكرانا واقف على حدودنا رافض يجينا من غير وسام خدنا فى مداسه الحزن لما هد العظام القدس باكى حواليه سناكى فى ايدين لئام وصلاح ماعادشى لمصر لسه ولا خش نوره مغرب وشام وابن اللى جده قتل نبيه لسه بيمرح فى دارنا واحنا لسه نيام يا مسحراتى من غير كرامة وقوة وشهامة مايجيش سلام قل للى نايم ماتفوق وصحصح الكلمة تطرح بضى مطرح لما تلاقى سامعهافاهم وعنده نية مايبيعش روحه الا لروحه ولا يصالحش جارح كرامته وان وطى هامته لغير الاهه يخون أمانته وتعيش دياره فى ذل عاره يارب أحمس ورب موسى ورب طه ورب كل الناس تعيننا على بلانا وتشدنا ريحنا وتقوى حيلنا علشان بلدنا ترجع أميرة فى عيون ولادنا لا حزن فيها ولا ضلام | |
|