منصور عبد الغفار
عدد المساهمات : 29 تاريخ التسجيل : 12/11/2010
| موضوع: أمى زهرة الوجود الإثنين نوفمبر 22, 2010 10:41 pm | |
| أمى اللى كانت ف الوجود
زهرة خلود
ميثاق عهود
ياريت تعود
عشان يعود
نبض الحياة
والقلب يسمع دقته
من ضحكها من حزنها
من وردة الحب
اللى ياما زينتها
ف عشقها
لله وللدين الحنيف
ولربها
أمى ومين كان زيها
كات لمسة الشوق والحنان
وف حضنها
ياما رميت كل اللى كان
غلب الزمان
وادتنى إحساس الأمان
دلوقت مين جى بعدها
علشان يحل محلها
لو يرجع الزمن اللى فات
لو تتوقف كل الساعات
علشان احس بكلمتك
علشان تعود لحظة أدب
صرخت فيها بالغضب
من أى ذنب م الشقاوة
اللى بتجيب التعب
وتقولى ياابنى مش كده
م بلاش كفاية فيك خطب
أمى وبدر م السما
نورت روحى وكنت انا
من حلمك ادخل القضا
ويوم م قلت خلاص مضى
عهد الخنوع من غير رضا
قلتى وربى يحرسك
سيبوا الولد شال الضنى
خالوه يمارس كل دور
يحمى الحقوق من غير عنى
وفضلت انا
دايما صغير والبنا
يكبر وحرفك ينبنى
لما وصل أمر الأله
خلاص سفرتى للهنا
ف الجنة وقصور ربنا
بالصالحات قلبك جنى
كل القراءة والقيام
كل الصيام
كل المعارف والسلام
من فكر قايم ع التقى
أمى معاك الروح حمام
طاير يبلغ لك سلام
من كل قلب وله زمام
أمى معدنا ف الزحام
لمسة إديك تضمنا
الله يخلى خلوتك
جنة وفيها الخير يزيد
لما تروحى لأخرتك
رحمك الله يا أجمل وأرق وأعز من خلق الله
| |
|
محمد البهنساوي رئيس رابطة الزجالين والمدير العام للمنتدى
عدد المساهمات : 521 تاريخ التسجيل : 10/07/2010
| موضوع: رد: أمى زهرة الوجود الثلاثاء نوفمبر 23, 2010 10:14 am | |
| أخي الأستاذ / منصور غيضان رحم الله الفقيدة وأدخلها فسيح جناته وألهمك الصبروالسلوان .... إنها كلمات تدمي القلوب ولايشعر بفقدان الأم إلا من فقد الأم فهي الرحمة في الدنيا وبرحيلها نفقد الحنان والرحمة ولكن هذه سنة الحياة ( والدتي توفت منذ خمسين عاما 13/6/1960وكان عمري في ذلك الحين 11 عاما اشعر وكأني فقدتها اليوم محمد البهنساوي | |
|