نرحب بالشاعر الكبير الاستاذ محمود عبد الحليم

نرحب بالشاعر الكبير
الاستاذ محمود عبد الحليم
فى منتدى رابطه الزجالين وكتاب الاغانى
فأهلا به وننتظران يمتعنا بأعمال الجميله
وغنائياته الرائعه

عدد المساهمات : 6 تاريخ التسجيل : 20/01/2011

الرابطة دى رابطتى وهى دى بدايتى
وفيها كنت المريد وهى دى مـــرايتى
اللى بشوف روحى فيها وصلت لفين
روادها هما الاصول والرحلة وحكايتى

ابو بثينه كان استاذ ليا ولغيـــــــرى
وشيخنا كان السبب شارك فى تغييرى
والباشا كان الحبيب وابو ثريا وياهم
خلونى زجال صحيح واحلو تعبيرى

شكرا على الترحيب ياحته من قلبى
والبهنساوى عزيز يارابطه تتحــبى
وانا مش غريب ابدا ياعم ســــرور
دى الرابطه دى دنيتى وحية مقام ربى

من اللى يقدر يقول
انك غريب عنها
والرابطه دى بيتك
وعاصرت فارسنها

وانت فى كل مجال
شاعر كبيرلك دور
بالغنوه والازجال
عمال تصول وتجول

نورت تانى بيتك
تحيه من ابنك
والله حبيتك
وعشقت انا فنك

أخي الحبيب الشاعرالكبير / محمود بك عبد الحليم
أهلا وسهلا بك في منتدى الرابطة والتي تفخر بأنك إبنا من ابنائها الأوفيياء
لك مني كل الحب والإحترام والتقدير
أخوكم / محمد البهنساوي

نرحب بشاعرنا الكبير أستاذ محمود عبد الحليم

نورت المنتدى حضرتك
ونتمنى تواجدك معنا فى ندوات رابطة الزجالين

ومساهماتكالبناءة بإبداعك المتفرد

الذى نسعد به