من وحي ثورة الشباب شعر محمد البهنساوي

من وحي ثورة الشباب 25 يناير2011
أرفض أكـون الـذي للأب يوم جاحـد
وارفض أكـون الذي ع الشـر يتعاهـد
أنسى تاريخ الوطـن والعن واتشفي
واقرا في سورة المَسَد فرحان وانا شارد
****
وارفض يكون القـلم في إيـديا متسيِّـس
اكتب كـلام وافتري علشان أكـون ريِّس
في الصبح حزبي العمل والظهر أكون وفدي
حارفض اكـون دا ودا ماهو كله بيمـيِّس
***
مصري الإراده أنا لازم أكون وافــي
واعشق تـراب البلد وف حضنها الدافي
أكتب تاريخ شعبها من قلبي واتباهـي
ثورة شباب أهلها لونهـــا حليب صـافي
****
يا اللي سرقت الوطن ونهبت قـوت الناس
ونسيت عقاب ربنا يا "عــز" يا خنـاس
ربك ومـن قـدرته خلاَّك ضعيف تبكي
ما عاد حـديد ينفعك ولا ايديـــك تنباس
****
ما انت حبيب يا غبي ولا حتى يوم عـادلي
عذِّبت أهـل الوطـن منهم كتيـــر أهلـي
واغتلـت ابن البلد " ناصر عويس " واحمـد
دم الشباب مـش هــدرتــارهم بيندهلـي
****
ارحل خـلاص عننـا وعـدك ما يلزمناش
في الشرم ليك فليتك من غير فلـوس ببلاش
خـدها هدية وطن من أجل أكتــوبـــر
أيــام ما كنت البطل والشعـب ما بينساش

الشاعرالكبير
الاستاذ محمد البهنساوى
رئيس رابطه الزجالين وكتاب الاغانى
الله الله الله
على الكلمات والتعبير الحى
لثوره شباب مصر الباسل
والاهم هو عدم الشماته والوفاء
تقبل مرورى
واحترامى

قصيده رائعه
مع أني كنت بحس أن معاليك بتزعل لو حد جاب سيرة النظام في حاجه

يا سيد فارس
أنا لم أكن من مباحث أمن الدولة ولم أكن لي أي مصلحة من بعيد أو من قريب ولم أتربح من النظام ولكن لم يكن من مصلحة الرابطة أن يسد أمامها الأبواب ولا تجد سيادتك مكان لنشر إبداعات ولا تنس أبــــــدا أنني من أبطال حرب أكتوبر وأكثر وطنية من المدعيـــــــن
ولي الكثير من القصائد النقديــــة منشوره في دواويني واخرها ديوان وحشتني ف قصيدة لبنان ....... بلاش مزايدات يا أخ فارس أنا أحب حسني مبارك هذا القائد العظيم وأحد ابطال حرب أكتوبر المجيدة وغفر الله لي وله وياريت تكون فهمت القصيدة من أولها

أستازي الشاعر الكبير/ محمد البهنساوي
لقد تفهمت موقف سيادتك وصدقني أنا لاأزايد علي وطنيتك
أقبل أسفي