يناير شهر ثورتنا

وبعد الليل وهد الحيل


نعيق البوم وغربانه


صحى المارد كسر قمقم


وكان ثلاثين ف ليمانه


رفع راية لمصر يقول


أنا بلبل ف أغصانه


أنا ابن النيل هاقول مواويل


عن الظالم وأربابه


ده كل حقى وباع نيلى


وغزة حصار وغاز بقرار


وشعب ف نار وأهواله


ونهب صريح وتخده الريح


على بره بملياره


بنوك ف بلاد وعارفينها


سويسرا وانجليز داره


ومن ظلمه العباد ضجة


شباب فجرها من ناره


يناير شهر ثورتنا


وخدنا بالغضب تاره


شهيد الحق وقراره


كريم بنونة وحبيبة


وحسنى واحمدى ثاروا


وقبله نبيل وسالى تقول


أنا بنت الجروح والنوح


على دمى وانا المدبوح


ويرمي لى الخسيس سمه


ميدان العز كان بستان


وفى احواضه الزهور طاله


وكان الصبر ده سلاحنا


على لؤم الجبان قصده


يفرق بين أخوتنا


ودبر للبلاد فتنه


لكن ربك وبعد قليل


نفذ أمره وكان عبره


م فيش طاغى بيتخلد


ولا بيعيش على أرضه


ولكن ف التاريخ ثابت


بأن الشعب كان أبقى


وهو السدرة والضله


وهو العيلة واللمة


وهو الدم والثورة


وليه النصر يتحقق

استاذ / منصور غيضان
سملت يداك على هذه القصيدة الرائعه فعلا كلام مؤثر للغايه
تقبل مرورى
هشام النبتيتى / عضو رابطة الزجالين وكتاب الاغانى
الاسم اللى بيشرفنى فى كل مكان