الواو شطوط

أول كلامي أصلي
على زين جميع الحبايب

اللى كلامه واصلّى
و افديه بنن و حبايب

و يحلى قولى دا لما
ابديه بحلو الشمايل
و اقول بعزه ف لمه
وسط و يمين و شمايل

أحمد محمد يا شاهد
انت الشفيع المُكمل
امانه هوّن مشاهد
مدّاح وبدى أكمل

اول مُجاهد لأمة
اللى يعاديها دا هالك
كاشف وجيعة وغُمة
شافع يحوش المهالك

أقول و أعطر فؤادى
باحلى الكلام و عاليه
ولا اخطى شبر ف وادى
إلا اما اصلى عليه


فقير و طامع أجيلك
و قليبى عمران وخاطر
يقبل شتايل نجيلك
ويحلّى بيك الخواطر

علّمنى ابويا ع منوّل
اكون ودود ويا ناسى
وابدُر امانى و انول
ما ابقاش غادر وناسى


قال لى تملى الجميل
خليك مِداومه ومواصل
وان مرة حظك جا ميل
عافر و داوم و واصل

من حبنا حبنــــــــــــاه
وصار براحه براحنا
نديله من حبنـــــــــــــا
و تبقى روحه دى روحنا


اللى يريدنا نريـــــــــده
ياخُـــــــــد معانا ويدّى
واللى كرهنا بريــــــــده
عُمروش علينـــــــــا يعدى

الواو شطوط و مراسى
مش اى واحــــد يجيها
بالخبرة تيجى و دراسى
لها سكـة عاتية و جيها


ترابيع كلامها مطابق
مُجتث ياللى حــــاكمها
محبوكة كيف الطوابق
و تحــــاكم اللى حاكمها

الشاعر القدير يسرى حنفى اكثر مايميزك استاذى الفاضل هو انك لك اسلوبك الخاص فى تناول الكلمات الجميله لك تحياتى

الشاعر الجميل محمد سرور

اشكر مرورك الجميل الذي

اسعدتي غاية السعاده

وردك الرائع الواعي الذي

رفع هامتي واثلج صدري