أول جـواب اتبعت ما وصلش اى مكـان
تانى جواب اتشبك فى طرف ديـل فستـان
تالت جواب قـالوا عفواً أصله راح لبنـان
مـع ان عنوان جوابى كـان "مديـنة نصر"
وانا جنب قصر العروبة مش فى آخـر مصر
والظرف مكتـوب عليه الاسم والعنـوان
***
القصـد..فرصة عمـل راحت بـلا تقـديم
فاز بيها أول جدع يوصـل جوابـه سليـم
وبعـد فتـح الورق والختـم والترقيـم
حجبوا الوظيفة و قالـوا عمـرها ما تبـات
أصل الجواب جه غلط من هيئـة المعـاشات
وصاحبه مات واندفن من عهد حكم "سليم"
***
يا خلق ليـه البريد راكبه سبـع عفاريـت
أبعت تهـانى فـرح والرد يبـقى صويـت
قالوا العريس اتسجن من شهر، انت نسيت؟
أنـا قلت و الله مـانسيتشى جـوابى قـديم
لكن صحيـح المثل والحبس فيـه مظاليـم
شكـراً لساعى البريـد..جه زارنى لما عييت!