الست (بمناسبة اليوم العالمى للمرأة كل عام وهن بخير)

الست لغز ومفيش عفريـت يفسّرهـــا
الست زىّ الجمـل تصـبر على نارهــا
والست تـقدر تكيد الجن لـو زارهـــا
والست زىّ الهرم تحتـار فـ أسرارهــا
والست من غير ذواق تعرف تـقدّرهــا
والست من غير دلـع يـا مين يعبّرهـا
والست تخلط ما بـين الجـد وهزارهـا
والست لـو تختشى كالبـدر فى نورهـا
والست من غير حيـا متشفش منظرهـا
والست ترقـع صويـت يتهدّله دارهـا
والست تضحك مفيش مخلوق يكدّرهـا
والست من عهـد حوا نفس أفكارهــا
والست تهـوى الفتـك اللى يسهّرهــا
والست تصرف كنوز الأرض ف شوارها
والست يـا لـوعتى لو قلبى يختـارهـا
والست فضل وحنـان الأم مـقدارهـا