حصن الأصالة للشاعر ( عبد الباسط الغرابلي )

مفتتح
*****
بحبل الشوق ربطانى
معاكى تزيد أحزانى
و اما أبعد عنك حبه
بالقانى أرجعلك تانى
***
لأنى بحبك و مغرم صبابة
عشانك يا سمرة بدوب ف الكتابة
و باحفظ لأجلك ديوان الصحابة
و باعزف بقلبي اغانى الربابه
عن ابن الهلالى و جيش الزغابه
و لو تهت مرة فى درب الرتابة
أعاود لحضنك تزول الكآبه
أشعِر و أغنى و اطير فى الرحابه
و روحى ترفرف و أحس إنجذابه
لأنى بحبك و مغرم صبابه
***
و ما أكره عليا يحوطك ديابه
و يتعشوا بيكى بدون استجابه
يمصمصوا دمك و عاكلين حرابه
عشان هما دايما قلوبهم خرابه
و فاكرينها يغمه و تركه و غابه
و ما يهممهمشى حكاية المهابه
بأقولها بعزمى كا أخافشى العصابة
و لو ربطونى بمليون عصابه
حافلفص و أجيلك أزيح الهبابه
و اشعل أصيلك بشعر و خطابه
و أروى بنيلك قلوب الغلابه
يهفهف نسيمك يزيل الترابه
و يرقص نخيلك تغور الضبابه
دامفيش مثيلك و لا انتى مصابه
بداء التعالي و لا فيش غرابه
لو أكتب بقلمك اصاله و قرابه
و ارفرف بعلمك يطول السحابة
لنك بلدنا و حضن الطيابه
*******
شعر عبد الباسط الغرابلى

ربنا يدك الصحه يا شاعرنا عبد الباسط وتتعلم منك كمان وكمان

» سكة رجوع .... شعر ( عبد الباسط الغابلي )
» زجال انا / للشاعر هيثم حشاش
» بكره تــــعرف ...للشاعر أحمد حسن عمر
» عزاء واجب للشاعر / محمد سيد سرور
» زجل قديييييم { كفايه ياحوا } للشاعر ( عادل عوض سند )