بكره تــــعرف ...للشاعر أحمد حسن عمر

بكره تعرف ..!!
***************
نفسى اشــوفك ,نفسى ابوسك
نفسى آخــدك جــــوه حُضنى
نفسى اذاكـــر لك دروســــك
نفسى اقــــول للناس ده إبـنى
**********
نفسى افضـــل جــــنب منّك
نفسى اوصـف لك واقــولك
قــد إيـــه الغــــــربه صعبه ؟
وإن ضلّى إشتــــــاق لضلك
*********
أنت عـــارف رغـم بُعـــدى
إلا إنـّك
لمّا كنت ف مـــــــرّه تبكى
كنت اضمّك
كنت حاسس بيك وحاسس
برضه بـ أمك
بعدى يا ابنى كان عشانك
مش عشان عاوز اضـرّك
**********
لما جـــتنى ورقـــــه منهم
قــــالوا فيها ان انت جيت
قمت افـرح , قمت اغنّى
قمت يا ابنى قــوام داعيت
إنّى اعــيش لك لمّا تـكــبر
وإنـّى اعمل شىء يسُـرّك
**********
لسه ياابنى الورقه قاعــده ع الإزاز
واللى نفسى اشوفها صورتك
يا ابنى باشعر إن كل الناس عزاز
لمّا حد يجيب لى ســــــيرتك
ولّا يوصــــــف ليّا ضيّك
********
قول مين فى الدنيا زيــّك
شكلى طالع .. شكل أمك
ولّا طالـــع شكــــل مين
ولّا مين غيرى اترسم لك
بُعــدى عنـّك غصبن عـنّى
عارف إيه اللى بعدنى عنك
الإجــــــابه صعــبه يا ابنى
صعبه يســتوعـــبها سـنـّك
بس بـكـره ضرورى اقولك
إيه اللى خدنى يا ابنى منّك
بكره تعرف....
..............................................
أحمد حسن عمر